Беларусі яшчэ доўга трэба будзе асэнсоўваць сваё існаванне ў постчарнобыльскую эпоху. Асабліва гэта важна для тых, хто нарадзіўся, калі катастрофа на Чарнобыльскай АЭС стала далёкай мінуўшчынай.
У фільме тэма ўздымаецца на прыкладзе адной сям'і, якая жыве ў вёсцы Брагінскага раёна, што знаходзіцца ў зоне з правам на адсяленне. За плынню будзённасці паўстаюць надзённыя пытанні прызвычаенасці і незваротнасці такога існавання чалавека, дзе ў людзей ёсць толькі выбар змены месца пражывання. Але ці ўратуе гэта становішча?