У 2020 годзе за дастаткова кароткі тэрмін мы з нуля стварылі ONLINE-платформу, якая, мае сістэму аховы фільмаў ад пірацтва. У 2021 мы стараемся яе палепшыць і ўдасканаліць. Усё, што вам патрэбна, гэта як звычайна ўважліва азнаёміцца з праграмай кінафестывалю, выбраць фільмы альбо цэлыя праграмы, якія вас зацікавяць, і аплаціць доступ для прагляду. Падрабязная інструкцыя, як набываць доступ да фільмаў, знаходзіцца ТУТ.
Мы не выключаем магчымасці таго, што нейкія моманты мы не прадумалі альбо прадумалі недастаткова добра. Таму тут мы спадзяёмся на вашу цярплівасць і разуменне, а таксама на зваротную сувязь. Калі ласка, дзяліцеся сваім карыстальніцкім вопытам, каб у будучыні мы маглі, калі неабходна, палепшыць усю сістэму згодна з вашымі пажаданнямі.