НАІЎНА СУПЕР

Размова з рэжысёркамі фільма «Сэрца творцы»

Чаму наіўныя мастакі такія любімыя і папулярныя ў кожнай краіне? Магчыма, таму што яны малююць з адкрытым сэрцам. У беларусаў ёсць Алена Кіш і Язэп Драздовіч, а на Фарэрскіх астравах — Сігрун Гунарсдоцір. Адна з самых знакамітых фарэрскіх мастачак сціпла жыве ў роднай вёсцы і бачыць свет сюррэальным і каляровым. У чым сакрэт яе абаяння і мудрасці і як персанажы карцін ажывалі на экране, рэжысёркі фільма «Сэрца творцы» Марыяна Мёркёр і Байнта а Торкілсхэйдж распавядуць у размове з беларускай арт-куратаркай Вольгай Кліп.

Мова iвента: англійская з паслядоўным перакладам на беларускую

Глядзіце падзею там, дзе вам зручна:

Facebook

Марыяна Мёркер: кінарэжысёрка і мантажорка, аўтарка фільма "Сэрца творцы"

Марыяна Мёркер - кінарэжысёрка і мантажорка фарэрскага паходжання, вядомая стварэннем захапляльных вобразаў праз складаны візуальны наратыў у шэрагу кароткаметражных фільмаў, якія атрымалі міжнароднае прызнанне. Яе пошукі ў галіне кароткага метра прывялі да першай спробы стварыць поўнаметражны дакументальны фільм.


Байнта А Торкілсхэйдж: кінарэжысёрка і фатографка, аўтарка фільма "Сэрца творцы"

Байнта а Торкілсхэйдж — фарэрская кінарэжысёрка і фатографка. З цікавасцю да сторытэлінгу, арт-рэжысуры і партрэтнай фатаграфіі яна рэалізавала мноства праектаў, інтрыгуючы гледача сваім адметным сучасным стылем. Разам Байнта і Марыяна распрацавалі ўнікальную гуллівую эстэтыку, спалучаючы свае каляровы і мінімалістычны падыходы, каб стварыць візуальна яркія вобразы.


Вольга Кліп - мастацтвазнаўца, куратарка, арт-менеджарка

Вольга Кліп — менеджарка ў галіне сучаснага мастацтва, адукацыі, музеяў, арт-выстаў і адміністравання галерэй. Яна мае ступень магістаркі сацыяльных навук у галіне візуальных і культуралагічных даследаванняў і ступень магістаркі мастацтвазнаўства. Вольга вывучала гісторыю і тэорыю мастацтва ў Санкт-Пецярбургскім дзяржаўным універсітэце і музеялогію ў Эколь дзю Луўр у Парыжы. У фокусе куратарскай і менеджарскай працы Вольгі — інтэграцыя мастацтва ў паўсядзённае жыццё, пераадоленне элітарнасці ў мастацкіх установах і пашырэнне магчымасцей працаваць для публікі па-за межамі высокага мастацтва. Вольга працуе са слаба рэпрэзентаванымі мастакамі, асабліва ў сітуацыях культурнага выключэння, звязанымі з дыхатаміяй цэнтр–перыферыя або абмежаваннямі, якія практыкуюць установы культуры.