GIRL POWER: ПРЫКЛАДЫ ЖАНОЧАЙ САЛІДАРНАСЦІ Ў СВЕЦЕ

Як жаночая ўзаемадапамога, салідарнасць і сіла духу ратуюць свет у пераломныя часы. Пра гэта ў сваёй лекцыі распавядзе дацкая феміністка і гендарная актывістка Эмма Холтан.

Мова iвента: англійская з паслядоўным перакладам на беларускую

Глядзіце падзею:
YouTube

Эмма Холтан

Эмма Холтан – феміністка і экспертка па гендарных пытаннях у Oxfam IBIS, Данія. Пасля стварэння ў 2014 годзе актывісцкага арт-праекта CONSENT, Эмма шмат вандравала, абараняючы правы пацярпелых ад сэксуальнага гвалту, асабліва ў лічбавай сферы. Яна спецыялізуецца на вывучэнні таго, як эканамічная няроўнасць пераплятаецца з гендарнай няроўнасцю, і як матыў атрымання прыбытку ў Інтэрнеце можа спрыяць далейшаму гвалту і дыскрымінацыі ўразлівых груп.

Воля Чайкоўская

Воля Чайкоўская — беларуская прадзюсарка і рэжысёрка, цяпер жыве ў Эстоніі і працуе з кінакампаніяй Allfilm Production. Атрымала дыплом магістра па спецыяльнасці “рэжысура і прадзюсаванне дакументальнага кіно” Балтыйскага ўніверсітэта кіно і медыя ў Таліне. Заснавальніца Незалежнага беларускага кінафестывалю «Паўночнае ззянне» і анлайн-кінатэатра VODBLISK, сузаснавальніца Беларускай незалежнай кінаакадэміі.