Галоўная гераіня гэтага кароткаметражнага фільма пераехала ў Штаты з беларускай сталіцы. І цяпер яна спрабуе банальным вобразам выжыць у бетонных джунглях вялікага Нью-Ёрка — няма працы, няма грошай, ёсць талент, амбіцыі і жаданне абавязкова атрымаць поспех у адным з самых жорсткіх мегаполісаў свету. І ёсць яе творчасць — карціны, якія беларуска гатовая прапанаваць свету, але прабіцца да пакупнікоў у месцы, дзе канкурыруюць тысячы і тысячы таленавітых людзей, задача звышскладаная. Каб увасобіць мару, можна пайсці на любыя ахвяры... Яшчэ адна аўтабіяграфічная карціна ў праграме «Паўночнага ззяння 2021». Мінчанка Анастасія Сергіеня пераехала ў Нью-Ёрк, каб заняцца кіно. Яна скончыла кінашколу і зняла свой першы фільм з дапамогай сродкаў, сабраных на краўдфандынгу. Для дэбюту яе фільм атрымаўся прафесійным і добра прадуманым. «Сойка» — кароткі і вельмі насычаны падзеямі фільм, кінагід па мігранцкім Нью-Ёрку вачыма беларускі Ганны. Яго можна назваць фемінісцкім: акрамя звычайных для любога мігранта цяжкасцей, Ганна сустракае спецыфічнае стаўленне з боку мужчын. Режысёрцы і выканаўцы ролі Ганны, вядомай расійскай акторцы Лянке Грыў, якая ўжо сама даўно жыве ў Лос-Анджэлесе, атрымалася добра перадаць усе эмігранцкія страхі і адчуванне адзіноты ў вялікім горадзе.
Мова арыгіналу: англійская, руская Субцітры: англійскія (аўтаматычна)