Апісанне
Пагаворым пра скандынаўскую і нарвежскую літаратуру, досвед Эрленда Лу ў працы над дзіцячай літаратурай, наiўны стыль пісьма ў літаратуры для дарослых, досвед працы над кінасцэнарыямі. А таксама тое, як не пасварыцца з кінарэжысёрамі, якія патэнцыйна могуць узяцца за твой кінасцэнарый, працуючы ў штодзённай нарвежскай газеце Adresseavisen кінакрытыкам.
Мова iвента: англійская з паслядоўным перакладам на беларускую
Удзельнікі
Эрленд Лу, сучасны нарвежскі празаік, кiнакрытык, сцэнарыст
Скончыў Дацкую кінаакадэмію, працуе культурным і кінааглядальнікам у штодзённай нарвежскай газеце Adresseavisen. Да гэтага працаваў школьным настаўнікам, перакладчыкам і санітарам у лякарні для псіхічна хворых, здымаў відэакліпы, кароткаметражныя фільмы.
Жыве ў Осла і працуе пісьменнікам, кінасцэнарыстам і перакладчыкам.
Дэбютным раманам Эрленда Лу, які прынёс яму вядомасць, быў «Ва ўладзе жанчыны», у якім Лу апісаў неўзаемнае каханне маладога нарвежца. Фільм быў экранізаваны нарвежскім рэжысёрам Петэрам Несам у 2007 г. і быў вельмі пасьпяховым ў нарвежскіх кінатэатрах. У фільмаграфіі Лу таксама сцэнарый да фільма «Поўнач» (рэж. Рэнэ Дунстад Ланглу). Адной з самых вядомых дзіцячых кніг Лу з’яўляецца «Курт, куды ты ідзеш?», за яе пісьменнік атрымаў шэраг узнагарод, як і за іншыя свае кнігі. Раман «Найлепшая краіна ў свеце» - пра Фінляндыю, адзін з найпапулярнейшых сярод кніг Эрленда Лу.
Самая знакамітая кніга Эрленда Лу «Наіўна. Супер» перакладзеная ўжо больш чым на 20 моваў свету.