Уладальнік спецыяльнага прыза журы кінафестывалю Sundance-2023. «І сказаў кароль: што за фантастычная машына» — гэта вытканая з сотняў знойдзеных у інтэрнэце матэрыялаў дасціпная хроніка, якая ахоплівае амаль 200-гадовую гісторыю выявы: ад вынаходства камеры-абскуры і паказу першай рухомай карцінкі жакея на кані да з'яўлення вэб-камер і першых вірусных відэаролікаў. Рэжысёрскі дуэт Акселя Даніэлсана і Максімільена Ван Эртрыка міксуе гістарычныя кадры з каранацыі Эдуарда VII (да яе адсылае мудрагелістая назва фільма) і фрагменты прапагандысцкіх стужак Трэцяга рэйха з дзясяткамі знойдзеных на YouTube дамашніх відэа, тэлевізійнымі рэпартажамі з месцаў ваенных дзеянняў, кліпамі аматараў вострых адчуванняў, якія звісаюць з дахаў хмарачосаў, ды запісамі стрымаў Бэль Дэльфін дзеля адначасова саркастычнага і поўнага глыбокай пашаны эсэ, якое даследуе тое, як выява кіруе нашым стаўленнем да зафіксаванай на ёй рэальнасці.
МОВА АРЫГІНАЛУ: ШВЕДСКАЯ, АНГЛІЙСКАЯ, ФРАНЦУЗСКАЯ, НЯМЕЦКАЯ, АРАБСКАЯ
СУБЦІТРЫ: БЕЛАРУСКІЯ | АНГЛІЙСКІЯ