13-26.11
2023
ПАЎНОЧНАЕ ЗЗЯННЕ
увага
адлегласць
IX ФЕСТЫВАЛЬ КІНО ПАЎНОЧНЫХ
І БАЛТЫЙСКІХ КРАІН
«ПАЎНОЧНАЕ ЗЗЯННЕ»
На адлегласці мы можам размаўляць, але нам вельмі лёгка згубіцца.
На адлегласці мы можам глядзець адно аднаму ў вочы, але праз шыльду экрана.
На адлегласці мы можам плакаць, але не можам вылечваць нашыя самыя балючыя раны.
Адлегласць прымушае востра адчуваць страту, непражытае, неадрэфлексаванае.
На адлегласці час змяняе хаду, блытаюцца часавыя паясы, мовы, кірыліца і лацінка.
На адлегласці перастаём пераводзіць беларускія рублі ў еўра і наадварот.
На адлегласці паміж намі крымінальныя справы, параноя і празмерная асцярожнасць.
Мы падзеленыя на тых,
хто з'ехаў,
і тых,
хто застаўся.
Хаця мы ўсё яшчэ, як і раней, адзін бясстрашны народ.
На адлегласці слова «Мінск» — для некага настальгічны трыгер,
А для некага настальгію выклікае адсутнасць візы ў сінім пашпарце.

Так ці інакш на адлегласці мы стараемся быць уважлівымі:
Калі перасякаем мяжу ці калі посцім нешта ў сацсетках.
На адлегласці мы можам паспачуваць, але не можам вылечваць самыя балючыя раны.

Увага. Дзверы адчыняюцца. Перад вамі — адлегласць.
Узважваем кожнае слова, стараемся быць справядлівымі і менш радыкальнымі.
Уважлівымі да мінулага і да будучыні, да тых, хто побач, і тых, каго мы даўно не бачылі.
Хіба толькі праз шыльду экрана.
На адлегласці нас паглынаюць сумневы, зацягвае калаўрот
Адрозненняў і параўнанняў, розніцы меркаванняў.
На адлегласці мы не можам абдымацца, дакранацца, адчуваць еднасць.
На адлегласці пахі становяцца недаступнымі.
Але становіцца даступным раздражненне, злосць, зайздрасць.
У абодвух кірунках,
і тут, і там,
а таксама на прапускных пунктах
Катлоўка, Каменны Лог і іншых.

На адлегласці мы шукаем адказы, але пытанні знаходзяць нас з большай лёгкасцю.
На адлегласці нам складана змірыцца з гэтай шэрай будзённасцю,
Маніфест
Маніфест
Маніфест
увага
адлегласць
увага
адлегласць
увага
адлегласць
Заснавальніца і дырэктарка кінафестывалю «Паўночнае ззянне»
Воля Чайкоўская
увага
адлегласць
БЕЛАРУСКАМУ КІНО ЯК НІКОЛІ ПАТРЭБНАЯ ВАША ПАДТРЫМКА
Кінафэст «Паўночнае ззянне» застаўся адным з нешматлікіх кінафестываляў, які, нягледзячы на пандэмію і рэпрэсіі, не прапусціў аніводнага года і працягвае дзейнічаць у фармаце міжнароднага агляду: з куратарскай праграмай, рэтраспектывамі, уласным маніфестам, дыскусіямі і guest stars.

Кожны дзень, кожны год — вось ужо 9 гадоў — мы не спыняемся. Таму што калі мы спынімся, вярнуцца ў звыклы рытм будзе складана, а пачынаць з нуля — немагчыма.
Нам патрэбная ваша падтрымка, каб штогод паказваць неймаверныя фільмы з Балтыі і Скандынавіі. Каб знаёміць беларусаў з украінскім кіно ў межах праграмы Ukraine Mon Amour. Каб запрашаць крутое міжнароднае журы глядзець Беларускі конкурс, тым самым пашыраючы вядомасць пра сам факт існавання беларускага кіно.
Нам патрэбная ваша падтрымка, каб праз кіно, праз сусвет кінафестывалю і магчымасці нэтворкінгу, якія ён дае, расказваць пра беларусаў і беларусак.
Каб мовай кіно і вуснамі знакамітых замежных рэжысёраў, чые фільмы мы паказваем на «Ззянні», расказваць пра Беларусь і набліжаць яе да светлых змен, да каштоўнасцяў свабоды і роўнасці.
ПАЎНОЧНАЕ ЗЗЯННЕ Ў ТВАІМ КАЛЕНДАРЫ
КАБ НЕ ЗГУБІЦЦА Ў РАЗНАСТАЙНАСЦІ НАШАЙ ПРАГРАМЫ, МЫ ПАДРЫХТАВАЛІ ДЛЯ ВАС СПЕЦЫЯЛЬНЫ КАЛЯНДАР, НА ЯКІ МОЖНА БУДЗЕ ПАДПІСАЦЦА.

ТАК ВЫ ЗАЎСЁДЫ БУДЗЕЦЕ Ў КУРСЕ НАШАЙ ПРАГРАМЫ І НІЧОГА НЕ ВЫПУСЦІЦЕ З-ПАД УВАГІ.
КАТАЛОГ «ПАЎНОЧНАГА ЗЗЯННЯ — 2023»
АРГАНІЗАТАР
ГЕНЕРАЛЬНЫЯ ПАРТНЁРЫ
ПРЫ ПАДТРЫМЦЫ
ГЕНЕРАЛЬНЫ ІНФАРМАЦЫЙНЫ ПАРТНЁР
ІНФАРМАЦЫЙНЫЯ ПАРТНЁРЫ