Прызёр глядацкіх сімпатый кінафестывалю «Сандэнс» і прэтэндэнт на Оскар-2023 ад Фінляндыі. Фільм расказвае кранальную гісторыю сталення трох старшакласніц. Мімі і Ронка — найлепшыя сяброўкі, якія прадаюць смузі на фуд-корце гандлёвага цэнтра і без сарамлівасці дзеляцца адна з адной чаканнямі і расчараваннямі ў каханні і сэксе. Іх аднакласніца Эма ўсе падлеткавыя гады прысвяціла прафесійнаму фігурнаму катанню. Пасля адной з вечарынак у Мімі і Эмы завязваюцца рамантычныя стасункі, а Ронка спрабуе разабрацца ў перавагах сэксу з хлопцамі. Тры пятнічныя вечары, падчас якіх разгортваецца дзеянне стужкі, перавернуць жыццё дзяўчат з ног на галаву.

Мова арыгіналу: фінская, французская
Субцітры: беларускія | англійскія

«Эйфарыя» па-фінску: дзявочы трыкутнік сяброўства, кахання і смутку