Праграма кароткаметражных фільмаў Shortcut — гэта восем лаканічных гісторый ад рэжысёраў са Швецыі, Даніі і Фінляндыі. Фантастычныя і побытавыя, смешныя і страшныя, эксперыментальныя і мінімалістычныя — усе яны ўсяго за некалькі хвілін паспяваюць распавесці шматлікае пра складаную анатомію сяброўскіх і дзіцяча-бацькоўскіх адносін, каханне, жыццё, смерць і будучыню планеты.