Лідзія, 47-гадовая бігендарная асоба, – паважаны арнітолаг. Яна жыве з жонкай Васілісай у мястэчку Шчэрбінка, дае прыватныя ўрокі біялогіі і працуе на кампанію, якая прадухіляе сутыкненні птушак з самалётамі. Васіліса трэніруе паліцэйскіх коней.
Жыццё Лідзіі цалкам прысвечана спраўджванню ўласных фантазій. У самастойна пабудаваным драўляным доме яна спрабуе ўзнавіць атмасферу «Твін Пікса», знакамітага серыяла Дэвіда Лінча, і стварыць уласную версію.
Здаецца, Лідзія заўсёды ў вобразе персанажа драмы, створанай ёю для сябе і іншых. Яна прыдумала рытуал, у якім локці – гэта істоты, якія могуць камунікаваць між сабой, а таксама патраціла свае накапленні на стварэнне сіліконавай лялькі па імені «Лара». Гэта дакладная копія актрысы, якая грае ролю найлепшай сяброўкі Лоры Палмер у «Твін Піксе». Для Лідзіі яна ідэал жаноцкасці, алегорыя прыгажосці.
Саша Кулак, рэжысёрка фільма, з-за сваёй гераіні Лідзіі сустракаецца з пытаннем, якое пахісне яе разуменне дакументалістыкі: сутыкаючыся з анамаліяй, ці варта адказваць на пытанні, якія яна задае? Як размежаваць рэальнасць і мару? Сашын голас вядзе нас, пакуль яна сама не становіцца персанажам у гэтым унікальным кінематаграфічным досведзе.