Сёлета Беларуская праграма «Паўночнага ззяння» сабрала ў сябе ўсе эмацыйныя грані, якое перажывала наша грамадства, — і ў выніку атрымаўся сапраўдны крышталь беларускага кіно.
У праграме гэтага года стужкі, якія дакументальна і паэтычна адлюстроўваюць падзеі жніўня 2020 года; фільмы, якія працягваюць дыскусію аб гендарнай роўнасці і жаночым лідарстве ў Беларусі; аўдыяспектакль, які перадае знаёмую ўсім дамашнюю атмасферу Менска; кінавыказванні, у якіх аўтары шукаюць магчымасць выразіць сваю пазіцыю творча; і, вядома, гісторыі беларусаў, якія вымушана пакінулі свой дом і цяпер шукаюць новы ў іншых гарадах.
Далучайцеся да прагляду Беларускай праграмы «Паўночнага ззяння», каб вы маглі адчуць сябе дома, дзе б вы ні знаходзіліся фізічна.