Дзяўчына з іголкай

На фоне змрочнага Капэнгагену часу Першай сусветнай вайны разгортваецца трагічная гісторыя швачкі Караліны, якая марыць вырвацца з беднасці праз шлюб з уладальнікам фабрыкі. Калі непажаданая цяжарнасць разбурае ейныя надзеі, жанчына апынаецца на мяжы выжывання – адкінутая грамадствам і пазбаўленая сродкаў, яна вымушаная звярнуцца да падпольнага аборту. Пасля няўдалай працэдуры Караліну знаходзіць загадкавая Дагмар, якая прапануе ёй уратаванне. Але цана гэтай «дапамогі» аказваецца жахліва высокаю. Магнус фон Горн ператварае рэальную гісторыю ў прыгнятальную чорна-белую адысею па целе і душы жанчыны, дзе бруд, боль і спачуванне зліваюцца ў гіпнатычную, амаль фізічную кінапрытчу пра беднасць, мацярынства і страту чалавечага аблічча.

Мова арыгіналу: дацкая

Субцітры: беларускія, польскія